പാലക്കാട് : ഒൻപതാം ക്ലാസ് വിദ്യാർത്ഥിയുടെ ആത്മഹത്യ സംബന്ധിച്ച് പാലക്കാട് കണ്ണാടി ഹയർ സെക്കണ്ടറി സ്‌കൂൾ നാലു ദിവസത്തേക്ക് അടച്ചിട്ടു. പോലീസ് വീട്ടുകാരുടെ പരാതിയിൽ അന്വേഷണം ആരംഭിച്ചു. സ്‌കൂളിലെ രണ്ടു അധ്യാപകർക്ക് സസ്‌പെൻഷൻ ലഭിച്ചു. (Student commits suicide in Palakkad)
സ്‌കൂൾ മാനേജ്‌മെന്റ് സസ്‌പെൻഡ് ചെയ്തത് ആരോപണ വിധേയായ അധ്യാപിക ആശയെയും പ്രധാനാധ്യാപിക ലിസിയെയും ആണ്. അതേസമയം, 14കാരൻ്റെ ആത്മഹത്യയിൽ പ്രതിഷേധിച്ച് സഹപാഠികൾ. പാലക്കാട് പല്ലഞ്ചാത്തന്നൂരിൽ ആണ് സംഭവം. മരിച്ചത് അർജുൻ ആണ്. കുട്ടിയുടെ മരണത്തിൽ പ്രതിഷേധിച്ചത് കണ്ണാടി ഹയർ സെക്കണ്ടറി സ്‌കൂളിലെ വിദ്യാർത്ഥികളാണ്.
അർജുന് നീതി ലഭിക്കണം എന്നാവശ്യപ്പെട്ടാണ് ഇവർ സ്‌കൂൾ മുറ്റത്ത് പ്രതിഷേധിക്കുന്നത്. കുട്ടിയുടെ കുടുംബവും അധ്യാപികയ്‌ക്കെതിരെ ആരോപണവുമായി രംഗത്തെത്തിയിരുന്നു. അദ്ധ്യാപിക നിരന്തരം അർജുനെ മാനസികമായി പീഡിപ്പിച്ചിരുന്നുവെന്നാണ് ഇവർ പറയുന്നത്.