കോഴിക്കോട് : കോഴിക്കോട് പേരാമ്പ്രയിലെ സ്വകാര്യ കോളേജിലെ രണ്ടാം വര്ഷ വിദ്യാര്ത്ഥിക്ക് ക്രൂര മർദ്ദനം. സംഭവത്തിൽ നാല് സീനിയര് വിദ്യാർത്ഥികളെ കോളേജ് അധികൃതര് സസ്പെന്ഷന്.
രണ്ടാംവര്ഷ ബി.കോം ഫിനാന്സ് വിദ്യാര്ത്ഥി മുഹമ്മദ് ഷാക്കിറിന് മർദ്ദനമേറ്റത്.വിദ്യാര്ത്ഥി കോഴിക്കോട്ടെ സ്വകാര്യ ആശുപത്രിയില് ചികിത്സിലാണ്.
മുഹമ്മദ് ഷാക്കിറിന്റെ വലത് കണ്ണിന് താഴെയുള്ള എല്ലിന് പൊട്ടലുണ്ട്. ശസ്ത്രക്രിയ വേണമെന്ന് ഡോക്ടര്മാര് നിര്ദ്ദേശിച്ചു.രണ്ടാം വര്ഷ വിദ്യാര്ത്ഥികളും മൂന്നാം വര്ഷ വിദ്യാര്ത്ഥികളും തമ്മില് കോളേജിലെ പാര്ക്കിങ്ങിന് സമീപം തര്ക്കം നടന്നിരുന്നു. ഇതിനിടെ സ്കൂട്ടറില് പുസ്തകം വെക്കാന് അവിടെ എത്തിയ മുഹമ്മദ് ഷാക്കിറിനെ ഒരു സീനിയര് വിദ്യാര്ത്ഥി ചീത്തവിളിച്ചു. ഇത് ചോദ്യം ചെയ്തപ്പോള് മര്ദ്ദിച്ചെന്നാണ് മുഹമ്മദ് ഷാക്കിര് പറയുന്നത്.