ബിഗ് ബോസ് ഹൗസിലെ വീക്കിലി ടാസ്ക് ആയ ബിബി ഹോട്ടൽ നിലവിൽ പുരോഗമിക്കുകയാണ്. മുൻ ബിഗ് ബോസ് മത്സരാർത്ഥികളായ ശോഭ വിശ്വനാഥ്, ഷിയാസ് കരീം, റിയാസ് എന്നിവർ ഹോട്ടലിൽ അതിഥികളായെത്തി. ഇതിനിടെ ബിബി ഹൗസിൽ ജീവനക്കാരുടെ കലാപരിപാടികളും അരങ്ങേറി.
ജിസേൽ, സാബുമാൻ, അഭിലാഷ്, അക്ബർ, അനുമോൾ, ഷാനവാസ്, അനീഷ്, റെന തുടങ്ങിയവരാണ് ഡാൻസും പാട്ടും അടക്കമുള്ള കലാപരിപാടികൾ അവതരിപ്പിച്ചത്. ഇതിൽ സാബുമാൻ്റെ ഡാൻസ് ബിബി ഹൗസിൽ ഹിറ്റായി. ഇതിൻ്റെ പ്രൊമോ ഏഷ്യാനെറ്റ് പുറത്തുവിട്ടു.
വൈൽഡ് കാർഡുകളായി ഹൗസിലേക്കെത്തിയവരിൽ ഒട്ടും ആക്ടീവ് അല്ലാത്ത ആളായിരുന്നു സാബുമാൻ. ഇതുമായി ബന്ധപ്പെട്ട് ഹൗസിനകത്തും പുറത്തും ചർച്ചകലുമുണ്ടായി. ഹൗസിൽ ആക്ടീവായിരുന്ന പ്രവീൺ കഴിഞ്ഞ ആഴ്ച പുറത്തുപോയപ്പോൾ ഇത് മോശം തീരുമാനമാണെന്നായിരുന്നു പൊതുവായ നിരീക്ഷണം. സാബുമാനാണ് പോകേണ്ടിയിരുന്നത് എന്ന് പലരും അഭിപ്രായപ്പെട്ടു.
എന്നാലിപ്പോൾ ബിബി ഹോട്ടൽ ടാസ്കിൽ സാബുമാൻ തൻ്റെ ഇടം നേടിയെടുത്തിരിക്കുകയാണ്. ബിബി ഹൗസിലെ പ്രതിമയാണ് സാബു. മാന്ത്രികവടിയും പിടിച്ച് പുറത്ത് നിൽക്കണമെന്നതാണ് ടാസ്ക്. ഭക്ഷണം കഴിക്കാൻ വെറും അഞ്ച് മിനിട്ട്. കൊടും വെയിലത്ത് മാസ്കണിഞ്ഞ് പുറത്തുനിൽക്കുന്ന സാബുമാനോട് ബിഗ് ബോസ് ചെയ്യുന്നത് ഇത്തിരി കടുപ്പമാണെന്നും പ്രേക്ഷകർ അഭിപ്രായപ്പെടുന്നു.
ഇതിനിടെ ആദ്യ ദിവസം ബിബി ഹൗസിലെത്തിയ അതിഥികൾ ഒരാളായ ഷിയാസ് കരീം സാബുമാനോട് ആക്ടീവ് ആകണമെന്ന് നിർദ്ദേശിച്ചു. സാബുവിനെക്കൊണ്ട് ഷിയാസ് ഡാൻസ് കളിപ്പിക്കുകയും ചെയ്തു. അപ്പോൾ തന്നെ സാബു നല്ല ഒരു ഡാൻസർ ആണെന്നത് തെളിഞ്ഞു. അത് തെളിയിക്കുന്ന ഇന്നത്തെ പ്രകടനമെന്ന് പ്രൊമോയിൽ. പ്രൊമോയിൽ ഏറ്റവും കൂടുതൽ നേരമുള്ളത് സാബുമാൻ്റെ ഡാൻസാണ്.