തിരുവനന്തപുരം: സർവ ശിക്ഷാ അഭിയാൻ പദ്ധതിയുടെ ഭാഗമായി കേളത്തിന് ലഭിക്കാനുള്ള തുകയുടെ ആദ്യഗഡു കേന്ദ്രം കൈമാറി. തടഞ്ഞുവെച്ചിരുന്ന 92.41 കോടി രൂപയാണ് കൈമാറിയത്. രണ്ടും മൂന്നും ഗഡു ഉടൻ ലഭിക്കും. കേരളം സമർപ്പിച്ച 109 കോടിയിലാണ് ഈ തുക അനുവദിച്ചത്. നോൺ റക്കറിങ് ഇനത്തിൽ ഇനി 17 കോടിയാണ് ലഭിക്കാനുള്ളത്.
സംസ്ഥാനത്തെ സ്പെഷ്യൽ അധ്യാപകരുടെ നിയമനം സംബന്ധിച്ച കേസിലാണ് കേന്ദ്ര സര്ക്കാര് ഇന്ന് നിര്ണ്ണായക നിലപാടറിയിച്ചത്.സ്പെഷ്യല് അധ്യാപകരെ സ്ഥിരപ്പെടുത്താന് ആവശ്യമായ നടപടി സമയ ബന്ധിതമായി സ്വീകരിക്കണമെന്ന് സംസ്ഥാനത്തിന് സുപ്രീംകോടതി നിര്ദ്ദേശം നല്കി.
ഭിന്നശേഷിക്കാരായ വിദ്യാര്ത്ഥികളുടെ പരിശീലനത്തിന് സ്പെഷ്യൽ അധ്യാപകര് സംസ്ഥാനത്ത് ആവശ്യമുണ്ട്.അതിന് ഫണ്ട് അനിവാര്യമാണെന്നും നിയമന നടപടികള് നടത്താതിരിക്കാനാവില്ലെന്നുമായിരുന്നു സുപ്രീംകോടതിയുടെ നിരീക്ഷണം. നിയമന നടപടികള് സംബന്ധിച്ച നടപടിക്രമങ്ങള് ജനുവരി 31നകം അറിയിക്കണമെന്നും സുപ്രീംകോടതി സംസ്ഥാന സര്ക്കാരിന് നിര്ദ്ദേശം നല്കിയിരുന്നു.