തൃശൂർ: ശ്രീകൃഷ്ണ ജയന്തി ദിനമായ ഇന്ന് ഗുരുവായൂരിൽ വിപുലമായ ആഘോഷ പരിപാടികൾ നടക്കും(Sri Krishna Jayanti). ഇന്ന് പുലർച്ചെ 3 മണിക്ക് നിർമാല്യ ദർശനത്തോടെയാണ് ഗുരുവായൂർ ക്ഷേത്രത്തിൽ അഷ്ടമിരോഹിണി മഹോത്സവത്തിന് ആരംഭം കുറിച്ചത്.
വൻ ഭക്തജന തിരക്കാണ് ഇന്ന് ക്ഷേത്രത്തിൽ പ്രതീക്ഷിക്കുന്നത്. അത് കൊണ്ട് തന്നെ തടസമില്ലാതെ ഭക്തർക്ക് ക്ഷേത്ര ദർശനം നടത്താനുള്ള സൗകര്യങ്ങൾ ഏർപ്പാട് ചെയ്തിട്ടുണ്ടെന്ന് ദേവസ്വംബോർഡ് അറിയിച്ചു.
മാത്രമല്ല; സ്പെഷൽ ദർശനങ്ങൾക്ക് നിയന്ത്രണം ഏർപെടുത്തിയിട്ടുള്ളതായും അദ്ദേഹം കൂട്ടിച്ചേർത്തു. അതേസമയം ഇന്ന് 200 ൽ അധികം വിവാഹങ്ങൾക്കാണ് ഗുരുവായൂർ ക്ഷേത്രത്തിൽ നടക്കുക