പത്തനംതിട്ട : പത്തനംതിട്ടയിൽ ഭാര്യാമാതാവിനെ മരുമകൻ അടിച്ചു കൊലപ്പെടുത്തി. വെച്ചൂച്ചിറ അഴുത ഉന്നതിയിലാണ് സംഭവം നടന്നത്. ഉഷാമണിയെ (54) ആണ് മരുമകൻ സുനിൽ തൂമ്പ കൊണ്ട് അടിച്ചു കൊന്നത്.
വീടിന് മുന്നിൽ വെച്ചാണ് കൊലപാതകം നടത്തിയത്. പൊലീസെത്തിയപ്പോൾ താൻ തന്നെയാണ് കൊലപാതകം നടത്തിയതെന്ന് പ്രതി അറിയിച്ചു.
തുടർന്ന് പൊലീസ് സുനിലിനെ കസ്റ്റഡിയിലെടുത്തു. വീട്ടുവഴക്കാണ് കൊലപാതകത്തിലേക്ക് നയിച്ചതെന്നാണ് പൊലീസ് പറയുന്നത്. വെച്ചൂച്ചിറ പൊലീസ് തുടർനടപടികൾ സ്വീകരിച്ചു.