തിരുവനന്തപുരം: അമ്പൂരിയിൽ കൂൺ കഴിച്ച് ഒരു കുടുംബത്തിലെ ആറ് പേർക്ക് ദേഹാസ്വാസ്ഥ്യം. ഇവരെ കാരക്കോണം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇതിൽ മൂന്ന് പേരുടെ ആരോഗ്യനില ഗുരുതരമാണ്.
അമ്പൂരി സെറ്റിൽമെന്റിലെ മോഹൻ കാണി, ഭാര്യ സാവിത്രി, ഇവരുടെ മകൻ അരുൺ, അരുണിന്റെ ഭാര്യ സുമ, ഇവരുടെ മക്കളായ അഭിജിത്ത്, അനശ്വര എന്നിവരാണ് ചികിത്സയിലുള്ളത്.
ഇതിൽ മോഹൻ, സാവിത്രി, അരുൺ എന്നിവരുടെ നില ഗുരുതരമാണ്. അഭിഷേക് ഐസിയുവിലാണ്. വീടിന് സമീപത്തെ പറമ്പിൽനിന്ന് ലഭിച്ച കൂണാണ് ഇവർ പാകം ചെയ്ത് കഴിച്ചത്.