കൽപ്പറ്റ: വയനാട്ടിൽ ആറംഗ ക്വട്ടേഷൻ കവർച്ചാ സംഘത്തെ പോലീസ് പിടികൂടി. മഹാരാഷ്ട്രയിൽ ഒന്നരക്കോടിയോളം രൂപ കവർച്ച നടത്തി കേരളത്തിലേക്ക് കടന്ന പാലക്കാട് സ്വദേശികളാണ് പിടിയിലായത്.ഇവരെ വൈദ്യപരിശോധനയ്ക്ക് ശേഷം മഹാരാഷ്ട്ര പൊലീസിന് കൈമാറി.
കുമ്മാട്ടര്‍മേട് ചിറക്കടവ് സ്വദേശി നന്ദകുമാര്‍ (32), കാണിക്കുളം സ്വജേശി അജിത് കുമാര്‍ (27), പാലാനംകുറിശ്ശി സ്വദേശി സുരേഷ് (47), കാരെക്കാട്ട് പറമ്പ് സ്വദേശി വിഷ്ണു (29), മലമ്പുഴ സ്വദേശി ജിനു(31) വാവുള്ള്യപുരം സ്വദേശി കലാധരന്‍ (33) എന്നിവരെയാണ് ഹൈവേ പൊലീസും കല്‍പ്പറ്റ പൊലീസിന്റെ പ്രത്യേക സ്‌ക്വാഡും ചേര്‍ന്ന് പിടികൂടിയത്.
കാറിൽ രക്ഷപ്പെടാനായിരുന്നു സംഘത്തിന്റെ ശ്രമം. ഇതിനിടെയാണ് വയനാട് കൈനാട്ടിയില്‍വെച്ച് പൊലീസ് പിടിയിലായത്. ഇവര്‍ സഞ്ചരിച്ച വാഹനത്തില്‍ നിന്ന് ആയുധങ്ങള്‍ കണ്ടെടുത്തു.പിടിയിലായവരെല്ലാം കവർച്ച, വധശ്രമം, ലഹരിക്കടത്ത് എന്നിങ്ങനെ നിരവധി ക്രിമിനൽ കേസുകളിൽപ്പെട്ടവരാണ്.