പാലക്കാട്: ലൈംഗിക പീഡന പരാതി നേരിടുന്ന വാർഡ് കൗൺസിലർ പ്രശോഭ് സി. വത്സനെതിരെ കർശന നിലപാടുമായി യുഡിഎഫ് നേതൃത്വം (Shafi Parambil). പ്രശോഭിനെ സംരക്ഷിക്കില്ലെന്നും പോലീസ് സ്വീകരിക്കുന്ന എല്ലാ നിയമനടപടികളോടും സഹകരിക്കുമെന്നും ഷാഫി പറമ്പിൽ എംപി വ്യക്തമാക്കി.
കുറ്റാരോപിതനായ കൗൺസിലർക്ക് പാർട്ടിയിൽ നിന്ന് ഒരു തരത്തിലുള്ള സംരക്ഷണവും ലഭിക്കില്ല. പോലീസിന് നിയമപരമായ നടപടികളുമായി മുന്നോട്ട് പോകാം, അതിൽ പാർട്ടി തടസ്സമാകില്ല. വ്യക്തിജീവിതത്തിൽ ഓരോരുത്തരും ചെയ്യുന്ന കാര്യങ്ങൾ മുൻകൂട്ടി അറിയാൻ കഴിയില്ല. പരാതി ഉയർന്ന ഉടൻ തന്നെ പ്രശോഭിനെതിരെ പാർട്ടി സംഘടനാപരമായ നടപടി സ്വീകരിച്ചിട്ടുണ്ട്.
ഈ വിഷയം നിയമസഭാ തിരഞ്ഞെടുപ്പിൽ യുഡിഎഫിനെ ബാധിക്കില്ല. പാലക്കാട് മണ്ഡലത്തിൽ രമേശ് പിഷാരടി മികച്ച വിജയം നേടി നിയമസഭയിലെത്തുമെന്നും ഷാഫി ആത്മവിശ്വാസം പ്രകടിപ്പിച്ചു.
തിരഞ്ഞെടുപ്പ് കാലത്തെ രാഷ്ട്രീയ കൂട്ടുകെട്ടുകളെ ചൊല്ലി സിപിഎമ്മിനെതിരെയും ഷാഫി പറമ്പിൽ ആഞ്ഞടിച്ചു.
ജനങ്ങളുമായി ‘ഡീൽ’ ഇല്ലാത്തതുകൊണ്ടാണ് സിപിഎമ്മിന് ബിജെപിയുമായും എസ്ഡിപിഐയുമായും ഡീൽ ഉണ്ടാക്കേണ്ടി വരുന്നത്.
ജനങ്ങൾ യുഡിഎഫിനൊപ്പമാണെന്ന് തിരിച്ചറിഞ്ഞതുകൊണ്ടാണ് ഇടത് മുന്നണി ഇത്തരം രഹസ്യ സഖ്യങ്ങൾക്ക് മുതിരുന്നത് എന്നും അദ്ദേഹം ആരോപിച്ചു.
Short Story Summary:
MP Shafi Parambil clarified that the Congress party will offer no protection to Councillor Prashobh C. Valsan following the sexual assault allegations against him. He stated that the law should take its course and confirmed that the party has already taken action. Dismissing its impact on the elections, Shafi expressed confidence in Ramesh Pisharody’s victory in Palakkad while accusing the CPM of forming secret deals with the BJP and SDPI due to a lack of public support.
