കോഴിക്കോട്: കുറ്റ്യാടിയിലെ വേദിയുണ്ടായ അസ്വാഭാവിക സംഭവങ്ങളിൽ പ്രതികരിച്ച് മുതിർന്ന കോൺഗ്രസ് നേതാവ് മുല്ലപ്പള്ളി രാമചന്ദ്രൻ. തന്റെ മണ്ഡലത്തിൽ നടന്ന പരിപാടിയിൽ സംസാരിക്കാൻ അവസരം ലഭിക്കാത്തതിലുള്ള സ്വാഭാവികമായ വിഷമമാണ് ഷാഫി പ്രകടിപ്പിച്ചതെന്ന് മുല്ലപ്പള്ളി വ്യക്തമാക്കി.(Shafi Parambil is a promising leader, Mullappally Ramachandran on the Kuttiady controversy)
കുറ്റ്യാടി ഷാഫി പറമ്പിലിന്റെ മണ്ഡലത്തിന്റെ ഭാഗമാണ്. അവിടെ തടിച്ചുകൂടിയ വൻ ജനക്കൂട്ടത്തെ അഭിസംബോധന ചെയ്യാൻ തനിക്ക് ആഗ്രഹമുണ്ടെന്ന് ഷാഫി പറഞ്ഞിരുന്നതായി മുല്ലപ്പള്ളി ഓർമ്മിച്ചു. ഒന്നിലധികം ആളുകൾ പ്രസംഗിച്ചിട്ടും ഷാഫിയെ ക്ഷണിച്ചില്ല. ആ അസ്വസ്ഥത അദ്ദേഹത്തിന്റെ മുഖത്ത് വ്യക്തമായിരുന്നു.
ഷാഫി വലിയ പ്രതീക്ഷയുള്ള നേതാവാണെന്നും വളരെ ‘നല്ല കുട്ടി’യാണെന്നും മുല്ലപ്പള്ളി കൂട്ടിച്ചേർത്തു. മറ്റു വ്യാഖ്യാനങ്ങൾ ഈ സംഭവത്തിന് കൊടുക്കരുതെന്നും അദ്ദേഹം പറഞ്ഞു.
