തിരുവനന്തപുരം: യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിലിനെതിരായ ലൈംഗിക പീഡനക്കേസിൽ അതിജീവിതയെ അപമാനിച്ചു എന്ന പരാതിയിൽ ആക്ടിവിസ്റ്റ് രാഹുൽ ഈശ്വർ കസ്റ്റഡിയിൽ. തിരുവനന്തപുരത്തെ വീട്ടിൽ നിന്നാണ് സൈബർ പോലീസ് സംഘം ഇദ്ദേഹത്തെ കസ്റ്റഡിയിലെടുത്തത്.
രാഹുൽ ഈശ്വറിനെ തിരുവനന്തപുരത്തെ എ.ആർ. ക്യാമ്പിലേക്ക് മാറ്റി.സൈബർ എ.സി.പി. ഉടൻ എ.ആർ. ക്യാമ്പിലെത്തി രാഹുലിനെ ചോദ്യം ചെയ്യും. രാഹുൽ സ്വന്തം വാഹനത്തിൽ ഭാര്യയോടൊപ്പമാണ് ചോദ്യം ചെയ്യലിന് ഹാജരായത്.രാഹുൽ ഈശ്വറിനെതിരെ ജാമ്യമില്ലാ വകുപ്പുകൾ പ്രകാരമാണ് കേസെടുത്തിരിക്കുന്നത്.രാഹുലിൻ്റെ ലാപ്ടോപ്പും പോലീസ് ആവശ്യപ്പെട്ടിട്ടുണ്ട്.ലൈംഗിക പീഡനക്കേസിലെ അതിജീവിതയെ അപമാനിക്കുന്ന തരത്തിൽ രാഹുൽ ഈശ്വർ സാമൂഹ്യ മാധ്യമങ്ങളിൽ പ്രസ്താവന നടത്തിയതിനെത്തുടർന്നാണ് പരാതിയും തുടർന്നുള്ള നടപടികളും ഉണ്ടായത്.