കൊച്ചി : ഫോര്‍ട്ട്കൊച്ചിയില്‍ പതിനൊന്നുകാരിക്ക് നേരെ ലൈംഗിക അതിക്രമം നടത്തിയ പ്രതി അറസ്റ്റിൽ. അതിക്രമത്തിനു ശേഷം രക്ഷപെട്ട പ്രതിയെ സിസിടിവി ദൃശ്യങ്ങള്‍ കേന്ദ്രീകരിച്ചു നടത്തിയ പ്രതിയെ അന്വേഷണത്തിൽ കണ്ടെത്തിയത്.
ഈ മാസം 24നാണ് സംഭവം നടന്നത്. വീട്ടില്‍ നിന്ന് കടയിലേക്ക് പോവുകയായിരുന്ന പതിനൊന്നുകാരിയെ ബൈക്കില്‍ പിന്തുടർന്ന ഡാരല്‍ കടന്നു പിടിക്കുകയായിരുന്നു. അതിക്രമത്തിന് ശേഷം ഒപ്പം വരണമെന്ന് യുവാവ് ആവശ്യപ്പെടുകയും ചെയ്തു. പെണ്‍കുട്ടി പേടിച്ചു കുതറിമാറി സമീപത്തെ കടയിലേക്ക് ഓടിക്കയറി.
കടക്കാരനോട് വിവരം പറഞ്ഞ പെണ്‍കുട്ടി യുവാവിനെ കാണിച്ചു കൊടുക്കാന്‍ എത്തുന്നത് കണ്ടയുടന്‍ യുവാവ് ബൈക്കില്‍ കയറി രക്ഷപ്പെടുകയായിരുന്നു. സിസിടിവി ദൃശ്യങ്ങള്‍ പരിശോധിച്ചപ്പോൾ പ്രതിയുടെ വണ്ടി നമ്പര്‍ കിട്ടിയത്.പോക്‌സോ വകുപ്പ് പ്രകാരമാണ് കേസ് എടുത്തത്. പൊലീസ് കസ്റ്റഡിയില്‍ എടുത്ത പ്രതിയെ നാളെ കോടതിയില്‍ ഹാജരാക്കും.