കൊച്ചി : റാപ്പർ വേടൻ എന്ന ഹിരൺദാസ് മുരളിക്കെതിരെ ബലാത്സംഗ പരാതിയിൽ കേസെടുത്തു. യുവ ഡോക്ടറാണ് പരാതി നൽകിയിരിക്കുന്നത്. ഇതിൽ പറയുന്നത് വിവാഹ വാഗ്ദാനം നൽകി പീഡിപ്പിച്ചു എന്നാണ്. (Sexual assault case against Rapper Vedan)
നടപടി കൊച്ചി തൃക്കാക്കര പോലീസിൻറേതാണ്. ഒരേ സ്ത്രീയെ ഒന്നിലേറെ തവണ ബലാത്സംഗം ചെയ്‌തെന്ന വകുപ്പാണ് ചുമത്തിയിരിക്കുന്നത്. 2021 ആഗസ്റ്റ് മുതൽ 2023 മാർച്ച് വരെ വിവിധ സ്ഥലങ്ങളിലായി പീഡനം നടന്നുവെന്നാണ് പരാതിയിൽ പറയുന്നത്.
തുടർച്ചയായ പീഡനത്തിന് ശേഷം ഇയാൾ വിവാഹത്തിൽ നിന്ന് പിന്മാറിയത് തന്ന ഡിപ്രഷനിലേക്ക് നയിച്ചുവെന്ന് യുവതി പറയുന്നു. ഇതുവരെയും പരാതി നൽകാതെ ഇരുന്നത് ആളുകളുടെ പ്രതികരണം ഭയന്നാണെന്നും അവർ പോലീസിനോട് പറഞ്ഞു