Kerala
രണ്ടാം ബലാത്സംഗ കേസ് ; രാഹുല് മാങ്കൂട്ടത്തില് നാളെ ക്രൈംബ്രാഞ്ചിന് മുന്നില് ഹാജരായേക്കില്ല | Rahul mamkootathil
കോടതിയിൽ നിന്നുള്ള മുൻകൂർജാമ്യ വ്യവസ്ഥയിൽ 15 ന് ഹാജരാകണമെന്ന് അറിയിച്ചിരുന്നു.
തിരുവനന്തപുരം : രണ്ടാമത്തെ പീഡന കേസില് രാഹുല് മാങ്കൂട്ടത്തില് നാളെ ക്രൈംബ്രാഞ്ച് അന്വേഷണ സംഘത്തിന് മുന്നില് ഹാജരായേക്കില്ല. ഹാജരാകണമെന്നറിയിച്ച് ഒരറിയിപ്പും വിവരവും കിട്ടിയിട്ടില്ലെന്ന് രാഹുല് വ്യക്തമാക്കി.
തിരുവനന്തപുരം ജില്ലാ കോടതിയിൽ നിന്നുള്ള മുൻകൂർജാമ്യ വ്യവസ്ഥയിൽ 15 ന് ഹാജരാകണമെന്ന് അറിയിച്ചിരുന്നു. അന്വേഷണ സംഘം ആവശ്യപ്പെട്ടാൽ ഹാജരാകുമെന്നാണ് രാഹുലിന്റെ പ്രതികരണം. അതേസമയം, ബലാത്സംഗ കേസില് രാഹുല് മാങ്കൂട്ടത്തലിന്റെ മുന്കൂര് ജാമ്യാപേക്ഷ ഹൈക്കോടതി നാളെ പരിഗണിക്കും. ഹൈക്കോടതി രാഹുലിന്റെ അറസ്റ്റ് തടഞ്ഞിരുന്നു. ജസ്റ്റിസ് കെ ബാബുവിന്റെ ബെഞ്ചാണ് മുന്കൂര് ജാമ്യാപേക്ഷ പരിഗണിക്കുക.