ആലപ്പുഴ: കാലവർഷക്കെടുതി ശക്തമായതോടെ കുട്ടനാട് താലൂക്കിലെ മിക്ക പ്രദേശങ്ങളും വെള്ളത്തിനടിയിലായി(Holiday). ജലനിരപ്പ് ഉയർന്നു കിടക്കുന്ന സാഹചര്യത്തിൽ നാളെ കുട്ടനാട് താലൂക്കിലെ വിദ്യാഭ്യാസ സ്ഥാപനങ്ങൾക്ക് കളക്ടർ അവധി പ്രഖ്യാപിച്ചു.
കാർത്തികപള്ളി താലൂക്കിലെ തെക്കേകര ഗവ.എൽപി സ്കൂളിനും നാളെ അവധി ആയിരിക്കും. താലൂക്കിലെ പ്രൊഫഷണൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും ട്യൂഷൻ സെന്‍ററുകൾക്കും അവധിബാധകമായിരിക്കും. മാത്രമല്ല; ക്യാമ്പുകൾ പ്രവർത്തിക്കുന്ന ജില്ലയിലെ സ്കൂളുകൾക്കും അവധി പ്രഖ്യാപിച്ചിട്ടുണ്ട്. അതേസമയം മുൻകൂട്ടി നിശ്ചയിച്ചിട്ടുള്ള പരീക്ഷകൾക്ക് മാറ്റമില്ല.