തിരുവനന്തപുരം : വിഴിഞ്ഞത്ത് കാറും ബൈക്കും കൂട്ടിയിടിച്ച് വിദ്യാര്‍ഥികൾക്ക് ദാരുണാന്ത്യം. ബൈക്ക് യാത്രികരായ വിഴിഞ്ഞം കോട്ടപ്പുറം സ്വദേശി ജയ്‌സണ്‍(17), പുതിയതുറ സ്വദേശി ഷാനു (16) എന്നിവരാണ് മരിച്ചത്. വിഴിഞ്ഞം കോട്ടപ്പുറം സെയിന്റ് മേരീസ് സ്‌കൂളിലെ പ്ലസ്ടു, പ്ലസ് വണ്‍ വിദ്യാര്‍ത്ഥികളാണ് ഇരുവരും.
ഇവര്‍ക്കൊപ്പം ബൈക്കിലുണ്ടായിരുന്ന സ്റ്റെഫാനിയെ ഗുരുതരപരിക്കുകളോടെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
വിഴിഞ്ഞം മുല്ലൂര്‍ ഭദ്രകാളി ക്ഷേത്രത്തിന് സമീപത്തായിരുന്നു അപകടം നടന്നത്. കാര്‍ നിയന്ത്രണംവിട്ട് ബൈക്കിലിടിച്ചാണ് അപകടമുണ്ടായത്. ജയ്‌സണും ഷാനുവും സ്റ്റെഫാനിയും ഒരു ബൈക്കിലായിരുന്നു.