തിരുവനന്തപുരം: യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിലിനെതിരായ ലൈംഗികാതിക്രമ പരാതിയുമായി ബന്ധപ്പെട്ട് അതിജീവിതയെ അപമാനിച്ച കേസിൽ ബി.ജെ.പി. നേതാവ് സന്ദീപ് വാര്യരെയും പ്രതിചേർത്തു. ഈ കേസിൽ നാലാം പ്രതിയാണ് സന്ദീപ് വാര്യർ.
അതിജീവിത നൽകിയ പരാതിയുടെ അടിസ്ഥാനത്തിലാണ് സൈബർ പോലീസ് കേസെടുത്തത്.സമൂഹമാധ്യമങ്ങളിലൂടെ രൂക്ഷമായ അധിക്ഷേപ പരാമർശങ്ങൾ നടത്തിയതിൻ്റെയും, യുവതിയുടെ ഐഡൻ്റിറ്റി വെളിപ്പെടുത്തുന്ന തരത്തിലുള്ള പോസ്റ്റുകൾ പ്രചരിപ്പിച്ചതിൻ്റെയും അടിസ്ഥാനത്തിലാണ് പോലീസ് നടപടി.ഇതേ കേസിൽ നേരത്തെ, അതിജീവിതയെ അധിക്ഷേപിക്കുന്ന തരത്തിൽ യൂട്യൂബ് ചാനലിലൂടെയും സൈബറിടങ്ങളിലൂടെയും നിരന്തരം പോസ്റ്റുകൾ ഇട്ട രാഹുൽ ഈശ്വറിനെയും പോലീസ് കസ്റ്റഡിയിലെടുത്തിരുന്നു.