കോഴിക്കോട്: ബോളിവുഡ് സൂപ്പർതാരം സൽമാൻ ഖാൻ ( Salman Khan) കോഴിക്കോട്ടെത്തി. ഇന്ത്യൻ സൂപ്പർക്രോസ് റേസിങ് ലീഗിന്റെ (ISRL) രണ്ടാം സീസണിന്റെ ഗംഭീരമായ ഗ്രാൻഡ് ഫിനാലെയിൽ മുഖ്യാതിഥിയായി പങ്കെടുക്കാനാണ് താരം എത്തിയത്. സൽമാൻ ഖാനൊപ്പമുള്ള ചിത്രം പൊതുമരാമത്ത്-ടൂറിസം മന്ത്രി പി.എ. മുഹമ്മദ് റിയാസ് സാമൂഹിക മാധ്യമങ്ങളിൽ പങ്കുവെച്ചു.
ലോകത്തിലെ ആദ്യത്തെ ഫ്രാഞ്ചൈസി അധിഷ്ഠിത സൂപ്പർക്രോസ് റേസിങ് ലീഗിന്റെ ഫൈനലിനാണ് കോഴിക്കോട് ഇ.എം.എസ് കോർപ്പറേഷൻ സ്റ്റേഡിയം വേദിയാകുന്നത്. ലീഗിന്റെ ബ്രാൻഡ് അംബാസഡറും നിക്ഷേപകനുമാണ് സൽമാൻ ഖാൻ. താരത്തെ ഹസ്തദാനം ചെയ്യുന്ന ചിത്രം "സൽമാൻ ഖാൻ" എന്ന ലഘുവായ ക്യാപ്ഷനോടെയാണ് മന്ത്രി റിയാസ് തന്റെ ഫേസ്ബുക്ക് പേജിൽ പങ്കുവെച്ചത്.
സൽമാൻ ഖാനൊപ്പം പ്രശസ്ത റാപ്പർമാരായ ഡബ്സി, ബേബി ജീൻ എന്നിവരും മറ്റ് പ്രമുഖരും പരിപാടിയിൽ പങ്കെടുക്കുന്നുണ്ട്. 15 രാജ്യങ്ങളിൽ നിന്നുള്ള ലോകോത്തര താരങ്ങളാണ് മത്സരത്തിൽ അണിനിരക്കുന്നത്. കേരളത്തിന്റെ സ്പോർട്സ് ടൂറിസം മേഖലയ്ക്ക് വലിയ ഉണർവ് നൽകുന്നതാണ് ഈ അന്താരാഷ്ട്ര പരിപാടിയെന്ന് മന്ത്രി വ്യക്തമാക്കി. കോഴിക്കോട് കോർപ്പറേഷന്റെയും കായിക വകുപ്പിന്റെയും പൂർണ്ണ പിന്തുണയോടെയാണ് ഈ മെഗാ ഇവന്റ് സംഘടിപ്പിക്കുന്നത്.
Bollywood superstar Salman Khan arrived in Kozhikode to attend the grand finale of the Indian Supercross Racing League (ISRL) Season 2. Minister P.A. Muhammad Riyas shared a photo with the actor inside his caravan at the EMS Corporation Stadium.