ഇടുക്കി: ശബരിമല തീർത്ഥാടനത്തിനായി തമിഴ്നാട്ടിൽ നിന്നെത്തിയ സംഘം സഞ്ചരിച്ചിരുന്ന മിനി ബസ് ഇടുക്കി കൊടികുത്തിയിൽ നിയന്ത്രണം വിട്ട് മറിഞ്ഞു. അപകടത്തിൽ മൂന്ന് തീർത്ഥാടകർക്ക് പരിക്കേറ്റു. തമിഴ്നാട്ടിലെ സേലത്ത് നിന്നുള്ള സംഘമാണ് വാഹനത്തിലുണ്ടായിരുന്നത്.(Sabarimala pilgrims' bus overturns in Idukki, 3 injured)
യാത്രയ്ക്കിടെ നിയന്ത്രണം നഷ്ടപ്പെട്ട മിനി ബസ് റോഡരികിലെ തിട്ടയിൽ ഇടിച്ചാണ് മറിഞ്ഞത്. പരിക്കേറ്റവരെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് മേഖലയിൽ ഗതാഗതം അല്പനേരം തടസ്സപ്പെട്ടു.