പത്തനംതിട്ട : ശബരിമല സ്വർണക്കൊളള കേസിൽ നിർണായക നീക്കവുമായി എസ്ഐടി. ഉണ്ണികൃഷ്ണൻ പോറ്റിയുടെ സുഹൃത്ത് സി.കെ വാസുദേവനെ അന്വേഷണ ഉദ്യോഗസ്ഥർ ചോദ്യം ചെയ്യുന്നു. ശബരിമലയിൽ നിന്ന് കാണാതായ പീഠം സൂക്ഷിച്ചിരുന്നത് സി കെ വാസുദേവന്റെ വീട്ടിലായിരുന്നു. ഈഞ്ചക്കൽ ഓഫീസിലാണ് ചോദ്യം ചെയ്യൽ നടക്കുന്നത്.
വൈകിട്ടാണ് വാസുദേവനെ ഓഫീസിലേക്ക് വിളിച്ചു വരുത്തിയത്.വാതിലിന്റെയും കട്ടിളയുടെയും സ്പോൺസർമാരുടെ പട്ടികയിൽ വാസുദേവനുമുണ്ട്. ദ്വാരപാലക പാളികൾ വാസുദേവന്റെ വീടിന് അടുത്ത ക്ഷേത്രത്തിൽ പുജിച്ചിരുന്നു.
കേസിൽ ദേവസ്വം ഉദ്യോഗസ്ഥരെയും വിളിച്ചു വരുത്തി. തിരുവാഭരണം കമ്മിഷണർ റിജിലാലും എസ്.ഐ.ടിക്ക് മുന്നിൽ എത്തി. ഈ വർഷം ദ്വാരപാലക പാളികൾ കൊണ്ടുപോകുന്നതിനെ എതിർത്തത് റിജിലാലായിരുന്നു.