കൊല്ലം: ശബരിമല സ്വർണ്ണക്കൊള്ള കേസുമായി ബന്ധപ്പെട്ട് റിമാൻഡിൽ കഴിയുന്ന മുരാരി ബാബുവിന്റെ ജാമ്യാപേക്ഷയിൽ കൊല്ലം വിജിലൻസ് കോടതി ഇന്ന് വിധി പ്രസ്താവിക്കും. കേസിലെ പ്രധാന പ്രതികളിലൊരാളായ മുരാരി ബാബു സ്വാഭാവിക ജാമ്യത്തിനായാണ് കോടതിയെ സമീപിച്ചത്.(Sabarimala gold theft case, Verdict on Murari Babu's bail plea today)
ശബരിമലയിലെ കട്ടിളപ്പാളി കേസ്, ദ്വാരപാലക ശിൽപ്പ കേസ് എന്നിവയിലാണ് മുരാരി ബാബു ജാമ്യം തേടിയിരിക്കുന്നത്. അറസ്റ്റിലായി 90 ദിവസം പിന്നിട്ടത് ചൂണ്ടിക്കാട്ടിയാണിത്. ജാമ്യാപേക്ഷയിൽ ഇന്നലെ വാദം പൂർത്തിയായിരുന്നു.
കേസിൽ റിമാൻഡിൽ കഴിയുന്ന തന്ത്രി കണ്ഠര് രാജീവരുടെ 14 ദിവസത്തെ റിമാൻഡ് കാലാവധി ഇന്ന് അവസാനിക്കും. അദ്ദേഹത്തിന്റെ റിമാൻഡ് കാലാവധി നീട്ടാൻ അന്വേഷണസംഘം അപേക്ഷ നൽകും. തന്ത്രിയുടെ ജാമ്യാപേക്ഷ ഈ മാസം 28-നാണ് കോടതി പരിഗണിക്കുന്നത്.