തിരുവനന്തപുരം: ശബരിമല സ്വർണ്ണക്കൊള്ളക്കേസുമായി ബന്ധപ്പെട്ട് രമേശ് ചെന്നിത്തല ഇന്ന് പ്രത്യേക അന്വേഷണ സംഘത്തിന് മുന്നിൽ മൊഴി നൽകും. കേസിന് അന്താരാഷ്ട്ര കള്ളക്കടത്ത് സംഘവുമായി ബന്ധമുണ്ടെന്ന ചെന്നിത്തലയുടെ വെളിപ്പെടുത്തലിന്റെ അടിസ്ഥാനത്തിലാണ് മൊഴിയെടുപ്പ്.(Sabarimala gold theft case, Ramesh Chennithala to give statement before SIT today)
വിഷയത്തിൽ മൊഴി നൽകാൻ താൻ തയ്യാറാണെന്ന് രമേശ് ചെന്നിത്തല എസ്ഐടിയെ അറിയിക്കുകയായിരുന്നു. ഇഞ്ചക്കലിലെ ക്രൈംബ്രാഞ്ച് ആസ്ഥാനത്ത് വെച്ചാണ് മൊഴി രേഖപ്പെടുത്തുക. ശബരിമല സ്വർണ്ണക്കൊള്ളക്കേസിൽ നിലവിൽ അന്വേഷണം മന്ദഗതിയിലാണെന്ന് യുഡിഎഫ് ആക്ഷേപം ഉന്നയിക്കുന്നതിനിടെയാണ് ചെന്നിത്തല മൊഴി നൽകാൻ തയ്യാറാകുന്നത്. ഈ വെളിപ്പെടുത്തൽ അന്വേഷണത്തിൽ വഴിത്തിരിവാകുമോ എന്ന ആകാംഷയിലാണ് അധികൃതർ.
അന്താരാഷ്ട്ര കള്ളക്കടത്ത് സംഘവുമായി ബന്ധപ്പെട്ട നിർണായക തെളിവുകളോ സൂചനകളോ ചെന്നിത്തല എസ്ഐടിക്ക് കൈമാറുമോ എന്ന കാര്യത്തിലും ആകാംക്ഷ നിലനിൽക്കുന്നുണ്ട്.