പത്തനംതിട്ട : ശബരിമല സ്വർണമോഷണത്തിൽ പ്രത്യേക അന്വേഷണ സംഘം സന്നിധാനത്ത് പരിശോധന നടത്തി. വിവാദവുമായി ബന്ധപ്പെട്ട് ദേവസ്വം വിജിലൻസ് പിടിച്ചെടുത്ത രേഖകൾ എസ്ഐടിക്ക് കൈമാറി. സി ഐയുടെ നേത്യത്വത്തിലുള്ള സംഘമാണ് ഉച്ചയോടുകൂടി സന്നിധാനത്ത് എത്തിയത്.
അന്വേഷണ സംഘം തെളിവെടുപ്പ് സന്നിധാനത്ത്നടത്തുകയാണ്. ദേവസ്വം വിജിലൻസ് പിടിച്ചെടുത്ത രേഖകൾ നേരിട്ട് എസ്ഐടിക്ക് കൈമാറാൻ കഴിയാത്തതിനാൽ ദേവസ്വം ഉദ്യോഗസ്ഥർ വഴിയാണ് ഓരോന്നായി കൈമാറുക. രേഖകൾ കൂടുതൽ പരിശോധിച്ച് കൂടുതൽ പേരെ ചോദ്യം ചെയ്യും. നേരത്തെ സന്നിധാനത്ത് എത്തി ജസ്റ്റിസ് കെ ടി ശങ്കരൻ വിവാദ സ്വർണപ്പാളി പരിശോധന നടത്തിയിരുന്നു.