തിരുവനന്തപുരം : തിരുവനന്തപുരം∙ ശബരിമല സ്വര്‍ണപ്പാളി വിവാദം അന്വേഷിക്കാന്‍ ഹൈക്കോടതി നിര്‍ദേശപ്രകാരം പ്രത്യേകസംഘം രൂപീകരിച്ച് സര്‍ക്കാര്‍ ഉത്തരവിറക്കി. എഡിജിപി എച്ച് വെങ്കിടേഷിന്റെ നേതൃത്വത്തിൽ കെഇപിഎ അസിസ്റ്റന്റ് ഡയറക്ടർ (തൃശൂർ) എസ് ശശിധരനാണ് അന്വേഷണം നടത്തുന്നത്.
കോട്ടയം വാകത്താനം പൊലീസ് സ്റ്റേഷൻ ഇൻസ്പെക്ടർ അനീഷ്, കൈപ്പമംഗലം പൊലീസ് സ്റ്റേഷനിലെ (തൃശൂർ റൂറൽ) ഇൻസ്പെക്ടർ ബിജു രാധാകൃഷ്ണൻ, സൈബർ പൊലീസ് സ്റ്റേഷൻ (തൈക്കാട്, തിരുവനന്തപുരം) അസിസ്റ്റന്റ് സബ് ഇൻസ്പെക്ടർ സുനിൽ കുമാർ എന്നിവരാണ് അന്വേഷണ സംഘത്തിലുള്ള മറ്റ് ഉദ്യോഗസ്ഥർ.
ശബരിമല ശ്രീകോവിലിന്റെ ഇരുഭാഗത്തുമുള്ള ദ്വാരപാലക ശില്‍പത്തിന്റെ സ്വര്‍ണം പൊതിഞ്ഞ ചെമ്പുപാളികള്‍ ഇളക്കിക്കൊണ്ടുപോയതുമായി ബന്ധപ്പെട്ട എല്ലാ വിഷയങ്ങളും അന്വേഷിക്കാനാണ് സംഘം രൂപീകരിച്ചിരിക്കുന്നതെന്ന് ഉത്തരവില്‍ പറയുന്നു.