തിരുവനന്തപുരം: ക്രിസ്മസിന് കേരളം പുതിയൊരു റെക്കോർഡിട്ടു. 2 ദിവസങ്ങളിലായി സംസ്ഥാനത്തെ ബിവറേജസ് ഔട്ട് ലെറ്റുകളിലൂടെ നടന്നത് റെക്കോര്ഡ് മദ്യവിൽപ്പനയാണ്.(Record liquor sales on Christmas Day)
ബിവറേജസ് കോര്പ്പറേഷൻ പുറത്തുവിട്ടത് ക്രിസ്മസ് ദിനത്തിലെയും, തലേ ദിവസത്തെയും കണക്കുകളാണ്. ആകെ 152.06 കോടിയുടെ മദ്യമാണ് ഈ വർഷം വിറ്റഴിച്ചത്.
കഴിഞ്ഞ വര്ഷം 24, 25 തീയതികളിൽ വിറ്റത് 122.14 കോടി രൂപയുടെ മദ്യമാണ്. കഴിഞ്ഞ വർഷത്തേക്കാൾ 24.50 ശതമാനം വർധനവാണ് ഈ പ്രാവശ്യം ഉണ്ടായിരിക്കുന്നത്.