തിരുവനന്തപുരം : യോഗി ആദിത്യനാഥിൻ്റെ അതേ പാതയാണ് കേരള സർക്കാർ പിന്തുടരുന്നതെന്ന് പറഞ്ഞ് രാജ്‌മോഹൻ ഉണ്ണിത്താൻ രംഗത്തെത്തി. കത്ത് പുറത്തു വന്നതോടെ ബന്ധം പുറത്തായെന്നും അദ്ദേഹം ചൂണ്ടിക്കാട്ടി. (Rajmohan Unnithan about Global Ayyappa Sangamam)
ആഗോള അയ്യപ്പ സംഗമം ശുദ്ധതട്ടിപ്പാണെന്നും, തെരഞ്ഞെടുപ്പ് നീക്കം വച്ചുള്ള നീക്കമാണിതെന്നും അദ്ദേഹം കൂട്ടിച്ചേർത്തു. പണ്ട് നായനാർ ചോദിച്ചത് ഭഗവാന് പാറാവ് എന്തിനാണ് എന്നാണെങ്കിൽ, ഇപ്പോൾ അയ്യപ്പന് പാറാവ് നിർത്തേണ്ട അവസ്ഥയാണെന്നും രാജ്‌മോഹൻ ഉണ്ണിത്താൻ വിമർശിച്ചു.
സർക്കാരിന്റെ നിഗൂഢത മനസിലാക്കാതെയാണ് എൻ എസ് എസ് പരിപാടിയിൽ പങ്കെടുക്കുന്നതെന്നും, കാര്യങ്ങൾ വ്യക്തമാകുമ്പോൾ അവർ നിലപാട് മാറ്റുമെന്നും അദ്ദേഹം പറഞ്ഞു.