ഇടുക്കി: വേനൽ മഴക്കൊപ്പം വീശിയ ശക്തമായ കാറ്റിൽ ഇടുക്കി പന്നിയാർകുട്ടിയിൽ വ്യാപക നാശനഷ്ടം. കൊള്ളിമല സെൻറ് മേരീസ് യു.പി സ്കൂളിന്റെ 400 ഓളം ഓടുകൾ കാറ്റിൽ പറന്നു പോയി. ഉച്ചഭക്ഷണത്തിനായി പിരിഞ്ഞ സമയത്തായിരുന്നു കാറ്റടിച്ചത്. ക്ലാസ് നടന്നിരുന്ന കെട്ടിടത്തിന് സമീപത്തെ മുറിയുടെ ഓടാണ് പറന്നു പോയത്.
വരാന്തയിലിട്ടിരുന്ന കസേരകളും ബെഞ്ചുകളും പറന്നു പോയി. അദ്ധ്യാപകർ കുട്ടികളെ തൊട്ടടുത്തുള്ള കോൺക്രീറ്റ് കെട്ടിടത്തിലേക്ക് മാറ്റിയത് കാരണം ആളപായമുണ്ടായില്ല. വെട്ടുകാട്ടിൽ ആൻസിയുടെ വീടിൻറെ മുകളിൽ മരം ഒടിഞ്ഞ് വീണ് വീട് തകർന്നു. മരങ്ങൾ കടപുഴകി വീണും ശിഖരങ്ങൾ ഒടിഞ്ഞു വീണും വൻ കൃഷിനാശവുമുണ്ടായി.