തിരുവനന്തപുരം : ആരോപണങ്ങളാൽ വട്ടംതിരിയുന്ന രാഹുൽ മാങ്കൂട്ടത്തിലിനെ കോൺഗ്രസും കൈവിട്ടു. അദ്ദേഹത്തെ കോൺഗ്രസിൽ നിന്ന് സസ്‌പെൻഡ് ചെയ്തു. 6 മാസത്തേക്കാണ് സസ്‌പെൻഷൻ.(Rahul Mamkootathil Suspended from Congress)
പാർട്ടിയുടെ പ്രാഥമിക അംഗത്വത്തിൽ നിന്നാണ് സസ്‌പെൻഡ് ചെയ്തിരിക്കുന്നത്. അതേസമയം, രാഹുൽ എം എൽ എ സ്ഥാനത്ത് തുടരും.
രാഹുൽ എം എൽ എ സ്ഥാനവും രാജി വയ്ക്കണമെന്ന ആവശ്യം പാർട്ടിക്കുള്ളിൽ തന്നെ ശക്തമായിരുന്നു. ഒടുവിൽ അദ്ദേഹത്തെ സസ്‌പെൻഡ് ചെയ്തുകൊണ്ടുള്ള നടപടി പാർട്ടിയിൽ നിന്നും ഉണ്ടാവുകയായിരുന്നു.
15ന് നിയമസഭാ സമ്മേളനം ആരംഭിക്കുമ്പോൾ രാഹുൽ പ്രത്യേക ബ്ലോക്കായി ഇരിക്കേണ്ടി വരും. എന്നാൽ, അദ്ദേഹം സമ്മേളനത്തിൽ പങ്കെടുക്കാതെ അവധിയിൽ പ്രവേശിച്ചേക്കും.