'ഉദിച്ചുയരേണ്ട താരങ്ങൾ ഉദിക്കും, അല്ലാത്തത് അസ്തമിക്കും, രാഹുൽ മാങ്കൂട്ടത്തിൽ പ്രചാരണത്തിന് ഇറങ്ങേണ്ട': K മുരളീധരൻ | Rahul Mamkootathil

പാർട്ടിയുടെ ശക്തമായ നിലപാടാണ് അദ്ദേഹം അറിയിച്ചത്.
'ഉദിച്ചുയരേണ്ട താരങ്ങൾ ഉദിക്കും, അല്ലാത്തത് അസ്തമിക്കും, രാഹുൽ മാങ്കൂട്ടത്തിൽ പ്രചാരണത്തിന് ഇറങ്ങേണ്ട': K മുരളീധരൻ | Rahul Mamkootathil

തിരുവനന്തപുരം: പാലക്കാട് എം.എൽ.എ. രാഹുൽ മാങ്കൂട്ടത്തിലിനെതിരായ ലൈംഗിക പീഡന ആരോപണത്തിൽ കോൺഗ്രസ് നിലപാട് വ്യക്തമാക്കി കെ. മുരളീധരൻ രംഗത്തെത്തി. തിരഞ്ഞെടുപ്പ് പ്രചാരണങ്ങളിൽ നിന്ന് രാഹുൽ മാങ്കൂട്ടത്തിലിനെ ഒഴിവാക്കിയതായി അദ്ദേഹം അറിയിച്ചു.(Rahul Mamkootathil should not participate in campaign, says K Muraleedharan)

"രാഹുൽ മാങ്കൂട്ടത്തിൽ കോൺഗ്രസ് സ്ഥാനാർത്ഥികൾക്കുവേണ്ടി പ്രചാരണത്തിന് ഇറങ്ങേണ്ട. ഉദിച്ചുയരേണ്ട താരങ്ങൾ ഉദിക്കും, അല്ലാത്തത് അസ്തമിക്കും. രാഹുലിനെ ഒരു പരിപാടിയിലും കയറ്റരുത് എന്ന് പാർട്ടി പറഞ്ഞിട്ടുണ്ട്," അദ്ദേഹം കൂട്ടിച്ചേർത്തു. പാർട്ടിക്ക് രാഹുലിനെതിരെ ശക്തമായ നിലപാടുണ്ടെന്ന സൂചനയാണ് മുരളീധരന്റെ പ്രതികരണത്തിലൂടെ പുറത്തുവരുന്നത്.

ബലാത്സംഗ കേസിൽ ഒളിവിലുള്ള രാഹുൽ മാങ്കൂട്ടത്തിനെ അറസ്റ്റ് ചെയ്യാനുള്ള നീക്കം പോലീസ് ശക്തമാക്കി. എം.എൽ.എ. മുൻകൂർ ജാമ്യാപേക്ഷ സമർപ്പിച്ചത് അറസ്റ്റിന് തടസ്സമല്ലെന്നാണ് പോലീസ് വൃത്തങ്ങൾ വ്യക്തമാക്കുന്നത്. രാഹുൽ തലസ്ഥാനത്തെത്തി വക്കാലത്തിൽ ഒപ്പിട്ടുവെന്ന പ്രചാരണം പോലീസ് തള്ളിക്കളഞ്ഞു. എല്ലാ ജില്ലകളിലും അന്വേഷണം നടത്താൻ ക്രമസമാധാന ചുമതലയുള്ള എ.ഡി.ജി.പി. നിർദ്ദേശം നൽകിയിട്ടുണ്ട്. പരാതിക്കാരിയുമായി പീഡനം നടന്ന ഫ്ലാറ്റിലെത്തി പോലീസ് മഹസ്സർ രേഖപ്പെടുത്തി. കൂടുതൽ സാക്ഷികളുടെ മൊഴിയെടുക്കുന്ന നടപടികൾ ഇന്നും തുടരും.

Related Stories

No stories found.
Times Kerala
timeskerala.com