തിരുവനന്തപുരം : ദിവസം തോറും കടുത്തു കൊണ്ടിരിക്കുന്ന കേരള സർവ്വകലാശാലയിലെ പോര് അവസാനിപ്പിക്കാൻ സർക്കാർ ഇടപെടുന്നു. ഉന്നത വിദ്യാഭ്യാസ മന്ത്രി ആർ ബിന്ദു പറഞ്ഞത് വി സി മോഹനൻ കുന്നുമ്മൽ ഇന്ന് സർവ്വകലാശാലയിലേക്ക് തിരികെ എത്തിയത് തൻ വിളിച്ചു സംസാരിച്ചതിൻ്റെ അടിസ്ഥാനത്തിലാണ് എന്നാണ്. (R Bindu on clash at Kerala University)
തിരുവനന്തപുരത്ത് വാർത്താസമ്മേളനത്തിലായിരുന്നു മന്ത്രിയുടെ പ്രതികരണം. പ്രശ്നം പരിഹരിക്കാൻ ഇടപെടൽ നടക്കുന്നുണ്ട് എന്നും, വി സിയുമായും സിൻഡിക്കേറ്റുമായും സംസാരിച്ചുവെന്നും പറഞ്ഞ അവർ, വേണമെങ്കിൽ ഗവർണറുമായും സംസാരിക്കുമെന്നും കൂട്ടിച്ചേർത്തു.
മുഖ്യമന്ത്രി വിഷയത്തിൽ നേരിട്ട് ഇടപെട്ടിട്ടില്ല എന്നും, ആദ്യം താൻ ഒന്ന് ശ്രമിക്കട്ടെ എന്നും പറഞ്ഞ മന്ത്രി, രജിസ്ട്രാർ ആരെന്ന് നിയമം നോക്കിയാൽ അറിയാമെന്നും പ്രതികരിച്ചു.