തിരുവനന്തപുരം : ശബരിമല സ്വർണ്ണക്കൊള്ളയിൽ യുവമോർച്ച പ്രവർത്തകർ സെക്രട്ടറിയേറ്റിലേക്ക് നടത്തിയ പ്രതിഷേധ മാർച്ചിൽ വൻ സംഘർഷം. പോലീസും പ്രവർത്തകരും തമ്മിൽ ഏറ്റുമുട്ടി. ഇത് കയ്യാങ്കളിയായി മാറി. (Protest on Sabarimala gold case)
പ്രവർത്തകർ ബാരിക്കേഡുകൾ മറിച്ചിടാൻ ശ്രമിക്കുകയും, ഇതിന് മുകളിലേക്ക് കയറുകയും ചെയ്തു. തുടർന്ന് പോലീസ് ജലപീരങ്കി പ്രയോഗിച്ചു. പിന്നാലെ പ്രതിഷേധക്കാർ കമ്പുകൾ വലിച്ചെറിഞ്ഞു. നിലവിൽ പ്രദേശത്ത് സംഘർഷാവസ്ഥയാണ്.
രണ്ടു മണിക്കൂറോളമായി ഇവർ നിരന്തരം ജലപീരങ്കി പ്രയോഗിച്ചിട്ടും ശരണം വിളികളോടെ ഇവിടെ തന്നെ തുടരുകയാണ്. പോലീസ് വാഹനത്തിന് നേർക്കും പ്രവർത്തകർ തിരിഞ്ഞു. പരിക്കേറ്റവരെ ആംബുലൻസിൽ ആശുപത്രിയിലേക്ക് മാറ്റി.