ആറ്റിങ്ങല്‍: സിനിമാ മേഖലയിലെ പ്രശ്നങ്ങൾ പരിഹരിക്കാൻ സർക്കാർ ഇടപെടുന്നില്ലെന്ന് സിപിഐ നേതാവും മുന്‍ മന്ത്രിയുമായ സി.ദിവാകരന്‍. സര്‍ക്കാര്‍ കൈയ്യുംകെട്ടി നോക്കിയിരുന്ന് ആസ്വദിക്കുകയാണെന്നും അദ്ദേഹം കുറ്റപ്പെടുത്തി. ഇത്രയും വിവാദങ്ങള്‍ ഉണ്ടായിട്ടും അതു പരിഹരിക്കാതെ ചാനല്‍ ചര്‍ച്ചകള്‍ക്ക് വിഷയത്തെ വിട്ടുകൊടുത്ത് ബന്ധപ്പെട്ടവരെല്ലാം ആസ്വദിക്കുകയാണ്. ഇത് വളരെ നിഭാഗ്യകരമാണെന്നും അദ്ദേഹം പറഞ്ഞു.
വിഷയത്തിലുള്ള ശരി തെറ്റ് തീരുമാനിക്കാനുള്ള സമയം വൈകിയിരിക്കുകയാണ്. സര്‍ക്കാരിന് ഇതില്‍ നിര്‍ണായകമായ ചുമതലയുണ്ട്. വരുന്നവനും പോകുന്നവനും അടിക്കാനുള്ളതല്ല സിനിമാ ലോകമെന്നും അദ്ദേഹം പറഞ്ഞു.