മലപ്പുറം: ക്ഷേത്രക്കുളത്തിൽ പൂജാരിയെ മരിച്ച നിലയിൽ കണ്ടെത്തി. മരിച്ചത് വാരണാക്കര മൂലെക്കാവ് ക്ഷത്രത്തിലെ പൂജാരിയാണ്. എറണാകുളം പറവൂർ സ്വദേശിയായ ശരത് (30) ആണ് മരിച്ചത്. വ്യാഴാഴ്ച രാവിലെ ക്ഷേത്രക്കുളത്തിൽ മൃതദേഹം പൊങ്ങിയ നിലയിൽ കണ്ടെത്തുകയായിരുന്നു.(Priest found dead in temple pond in Malappuram)
പോലീസിൻ്റെ പ്രാഥമിക നിഗമനം കാൽ തെറ്റി വീണതാകാം എന്നാണ്. പൂജയ്ക്കായി കുളിക്കാൻ ഇറങ്ങിയപ്പോൾ അപകടം സംഭവിച്ചതാകാനാണ് സാധ്യതയെന്നും കരുതപ്പെടുന്നു. എങ്കിലും മരണത്തിൽ മറ്റ് അസ്വാഭാവികതകൾ ഉണ്ടോ എന്ന് പോലീസ് വിശദമായി പരിശോധിച്ചു വരികയാണ്.
പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. തുടർന്ന് മൃതദേഹം പോസ്റ്റ്മോർട്ടത്തിനായി മഞ്ചേരി മെഡിക്കൽ കോളേജ് മോർച്ചറിയിലേക്ക് മാറ്റി. പോസ്റ്റ്മോർട്ടം റിപ്പോർട്ട് ലഭിച്ചതിന് ശേഷം മാത്രമേ മരണകാരണത്തിൽ കൂടുതൽ വ്യക്തത വരികയുള്ളൂവെന്ന് പോലീസ് അറിയിച്ചു. പറവൂർ സ്വദേശിയായ ശരത് കുറച്ചു കാലമായി ഈ ക്ഷേത്രത്തിൽ പൂജാരിയായി ജോലി ചെയ്തു വരികയായിരുന്നു. പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.