കൊച്ചി: രാഷ്ട്രപതി ദ്രൗപതി മുർമുവിൻ്റെ സന്ദർശനത്തോടനുബന്ധിച്ച് കൊച്ചി നഗരത്തിൽ നാളെ (ഒക്ടോബർ 24, വെള്ളിയാഴ്ച) ഗതാഗത നിയന്ത്രണം ഏർപ്പെടുത്തി. രാവിലെ 10 മണി മുതൽ ഉച്ചയ്ക്ക് 2 മണി വരെയാണ് ഗതാഗത നിയന്ത്രണം ഏർപ്പെടുത്തിയിട്ടുള്ളതെന്ന് പോലീസ് അറിയിച്ചു.(President to visit Kochi tomorrow, Traffic restrictions in the city)
ഗതാഗത നിയന്ത്രണമുള്ള പ്രധാന റോഡുകൾ
നാവിക സേനാ വിമാനത്താവളം (നേവൽ ബേസ്) പരിസരം, തേവര, എം.ജി. റോഡ്, ജോസ് ജംഗ്ഷൻ, ബി.ടി.എച്ച്. പരിസരം, പാർക്ക് അവന്യു റോഡ്, മേനക, ഷൺമുഖം റോഡ് എന്നിവിടങ്ങളിലാണ് ഗതാഗത നിയന്ത്രണം ഉണ്ടാകുക.
രാഷ്ട്രപതിയുടെ യാത്രാക്രമം
ഇന്ന് (വ്യാഴാഴ്ച) കോട്ടയം പാലാ സെൻ്റ് തോമസ് കോളേജിൽ പ്ലാറ്റിനം ജൂബിലി ആഘോഷങ്ങൾ ഉദ്ഘാടനം ചെയ്ത ശേഷം വൈകീട്ട് നാല് മണിക്ക് രാഷ്ട്രപതി ഹെലികോപ്റ്റർ മാർഗം പാലയിൽ എത്തും. തുടർന്ന് ഹെലികോപ്റ്ററിൽ കോട്ടയം പൊലീസ് ഗ്രൗണ്ടിൽ ഇറങ്ങി റോഡ് മാർഗം കുമരകത്തേക്ക് പോകും. ഇന്ന് രാത്രി കുമരകത്താണ് രാഷ്ട്രപതി തങ്ങുക.
നാളെ (വെള്ളിയാഴ്ച) രാവിലെ കുമരകത്ത് നിന്ന് റോഡ് മാർഗം കോട്ടയം പൊലീസ് ഗ്രൗണ്ടിൽ എത്തിയ ശേഷം രാഷ്ട്രപതി കൊച്ചിയിലേക്ക് തിരിക്കും. നാളെ കൊച്ചിയിലാണ് രാഷ്ട്രപതിയുടെ ഔദ്യോഗിക പരിപാടികൾ. സന്ദർശനവുമായി ബന്ധപ്പെട്ട് ജില്ലയിൽ കനത്ത സുരക്ഷയാണ് ഏർപ്പെടുത്തിയിരിക്കുന്നത്.