തിരുവനന്തപുരം : സിപിഐഎം ജനറൽ സെക്രട്ടറി എം എ ബേബിയോട് ക്ഷമ ചോദിച്ച് സിപിഐ ദേശീയ സെക്രട്ടേറിയേറ്റ് അംഗം പ്രകാശ് ബാബു. പിഎം ശ്രീ പദ്ധതിയില്‍ കേരള സര്‍ക്കാര്‍ ഒപ്പിട്ടതില്‍ എംഎ ബേബിയുടെ മൗനം വേദനിപ്പിച്ചെന്ന് പ്രകാശ് ബാബുവിന്റെ പരാമർശം. എം എ ബേബിയെ ഫോണിൽ വിളിച്ച് പ്രകാശ് ബാബു ക്ഷമാപണം നടത്തിയത്.
പ്രശ്‌നങ്ങൾ പരിഹരിക്കുന്നതിന് മുൻകൈ എടുത്ത എം എ ബേബിയ്ക്ക് പ്രകാശ് ബാബു നന്ദി അറിയിച്ചിരുന്നു. പറഞ്ഞ വാക്കുകൾ ഏതെങ്കിലും തരത്തിൽ വേദനിപ്പിച്ചിട്ടുണ്ടെങ്കിൽ ക്ഷമിക്കണമെന്ന് അദ്ദേഹത്തോട് പറഞ്ഞുവെന്നും പ്രകാശ് ബാബു വ്യക്തമാക്കി.
ഡി രാജ ഭക്ഷണം പോലും കഴിക്കാൻ കാത്തുനിൽക്കാതെയാണ് എം എ ബേബിയെ കണ്ടത്. എന്നാൽ ഉന്നയിച്ച വിഷയങ്ങളെല്ലാം കേട്ടിട്ടും ബേബി ഒന്നും പറഞ്ഞില്ല.വളരെയേറെ കഴിവുള്ള, നല്ലതുപോലെ ഇടപെടാന്‍ അറിയാവുന്ന എംഎ ബേബി ഈ വിഷയത്തില്‍ നിസഹായത പ്രകടിപ്പിക്കുകയാണ് ചെയ്തത്. അതെന്തുകൊണ്ടാണെന്ന് അറിയില്ല. അതില്‍ വളരെ വിഷമമുണ്ടെന്നുവെന്നായിരുന്നു പ്രകാശ് ബാബുന്റെ പരാമർശം.