കോഴിക്കോട് : കാക്കൂരിൽ രണ്ടു മാസം പ്രായമായ കുഞ്ഞിന്റെ മരണത്തിൽ കേസെടുത്ത് പൊലീസ്. ഷാദിയ-ഇത്തിയാസ് ദമ്പതികളുടെ മകനാണ് മരിച്ചത്.
കാക്കൂരിലെ ക്ലിനിക്കിൽ ചേലാകർമത്തിനായി എത്തിച്ച കുഞ്ഞിന്റെ ജീവനാണ് നഷ്ടമായത്. സംഭവത്തിൽ രക്ഷിതാക്കളുടെ മൊഴി പൊലീസ് രേഖപ്പെടുത്തി. ശസ്ത്രക്രിയക്ക് മുൻപ് കുട്ടി പ്രതികരിക്കാതായതോടെ ടൗണിലെ ആശുപത്രിയിലേക്ക് മാറ്റിയത്.ചികിത്സാ പിഴവുണ്ടായോയെന്ന് പോസ്റ്റ്മോർട്ടം നടത്തിയാലേ അറിയാനാകുവെന്ന് പൊലീസ് അറിയിച്ചു.