
തിരുവനന്തപുരം: പോലീസ് ഉദ്യോഗസ്ഥനെ കുത്തി പരിക്കേൽപ്പിച്ച കേസിൽ പ്രതികൾ അറസ്റ്റിൽ. വ്യാഴാഴ്ച ലഹരസംഘത്തെ പിടികൂടാൻ ശ്രമിക്കുന്നതിനിടെ കരമന പോലീസ് സ്റ്റേഷനിലെ ജയചന്ദ്രന് എന്ന പൊലീസുകാരന് ആണ് കുത്തേറ്റത്. സംഭവത്തിൽ ജിതിൻ, രതീഷ്, ലിജു എന്നിവരാണ് പിടിയിലായത്. കഞ്ചാവ് സംഘത്തെ പിടികൂടാൻ എത്തിയപ്പോൾ കത്തി എടുത്ത് കുത്തുകയായിരുന്നു. പോലീസുകാരന്റെ വയറിനും കാലിനും കുത്തേറ്റു. ഇദ്ദേഹത്തെ തിരുവനന്തപുരം ഗവ. മെഡിക്കല് കോളജ് ആശുപത്രിയില് പ്രവേശിപ്പിച്ചു.