മലപ്പുറം: കീഴാറ്റൂർ മുതുകുർശ്ശിക്കാവ് അയ്യപ്പ ക്ഷേത്രത്തിലെ താലപ്പൊലി മഹോത്സവത്തിനിടെയുണ്ടായ കൂട്ടയടിയിൽ ഉത്സവലഹരി സംഘർഷത്തിൽ കലാശിച്ചു. ക്ഷേത്രോത്സവത്തോടനുബന്ധിച്ച് നടന്ന നാടൻപാട്ട് പരിപാടിക്കിടെയാണ് യുവാക്കൾ തമ്മിൽ സംഘർഷമുണ്ടായത്.(Police intervened in clash during Temple festival in Malappuram)
നാടൻപാട്ട് പുരോഗമിക്കുന്നതിനിടെ കാണികൾക്കിടയിൽ നൃത്തം ചെയ്യുന്നതുമായി ബന്ധപ്പെട്ടുണ്ടായ ചെറിയ തർക്കമാണ് വലിയ സംഘർഷത്തിലേക്ക് നയിച്ചത്. ആദ്യം വാക്കുതർക്കത്തിൽ തുടങ്ങിയത് പിന്നീട് പരസ്പരം ഏറ്റുമുട്ടുന്നതിലേക്കും കൂട്ടയടിയിലേക്കും നീങ്ങി. ഗാനമേളയും നാടൻപാട്ടും കാണാനായി വലിയ ജനക്കൂട്ടം സ്ഥലത്തെത്തിയിരുന്നു.
സംഘർഷം നിയന്ത്രണാതീതമായതോടെ സ്ഥലത്തുണ്ടായിരുന്ന പോലീസ് ഉടൻ ഇടപെട്ടു. അക്രമാസക്തരായ യുവാക്കളെ പിരിച്ചുവിടാൻ പോലീസിന് ചെറിയ തോതിൽ ലാത്തി പ്രയോഗിക്കേണ്ടി വന്നു.