'പോലീസ് വീട്ടിൽ കയറി ഭീഷണിപ്പെടുത്തി': രാഹുൽ മാങ്കൂട്ടത്തിലിൻ്റെ സുഹൃത്ത് ഫെന്നി നൈനാൻ അടൂർ സ്റ്റേഷനിൽ കുത്തിയിരുന്ന് പ്രതിഷേധിക്കുന്നു

'പോലീസ് വീട്ടിൽ കയറി ഭീഷണിപ്പെടുത്തി': രാഹുൽ മാങ്കൂട്ടത്തിലിൻ്റെ സുഹൃത്ത് ഫെന്നി നൈനാൻ അടൂർ സ്റ്റേഷനിൽ കുത്തിയിരുന്ന് പ്രതിഷേധിക്കുന്നു
Updated on

അടൂർ: എം.എൽ.എ. രാഹുൽ മാങ്കൂട്ടത്തിലിൻ്റെ സുഹൃത്തും കെ.എസ്.യു. നേതാവും യു.ഡി.എഫ്. സ്ഥാനാർത്ഥിയുമായ ഫെന്നി നൈനാന്റെ വീട്ടിൽ പോലീസ് കയറി ഭീഷണിപ്പെടുത്തിയെന്ന് പരാതി. സംഭവത്തിൽ പ്രതിഷേധിച്ച് ഫെന്നി നൈനാൻ അടൂർ പോലീസ് സ്റ്റേഷനിൽ കുത്തിയിരുന്ന് പ്രതിഷേധിക്കുകയാണ്.

പോലീസ് വീട്ടിലെത്തിയപ്പോൾ അമ്മ മാത്രമാണ് ഉണ്ടായിരുന്നത്. താൻ നഗരസഭാ തിരഞ്ഞെടുപ്പ് പ്രചരണത്തിലായിരുന്നു. വീട്ടിലെത്തിയ പോലീസുകാർ ആരാണെന്നോ എന്തിനാണ് വന്നതെന്നോ വ്യക്തമാക്കിയില്ല. അവർ അമ്മയെ ഭീഷണിപ്പെടുത്തുകയായിരുന്നുവെന്നും ഫെന്നി ആരോപിച്ചു.

അതേസമയം, ലൈംഗിക പീഡനക്കേസിൽ ഒളിവിലുള്ള രാഹുൽ മാങ്കൂട്ടത്തിൽ എം.എൽ.എക്കായി അന്വേഷണം തുടരുകയാണ്. ഒളിവിലുള്ള രാഹുലിൻ്റെ ഫ്ലാറ്റിലെ പരിശോധന പൂർത്തിയാക്കി അന്വേഷണ സംഘം മടങ്ങിയിരുന്നു. രാഹുൽ മുങ്ങിയ വഴി കണ്ടെത്താൻ പാലക്കാട് പോലീസ് പരിശോധന നടന്നുവരികയാണ്.

Related Stories

No stories found.
Times Kerala
timeskerala.com