ഇടുക്കി : പീരുമേട് സബ്ജയിലിൽ പോക്സോ കേസ് പ്രതിയെ തൂങ്ങിമരിച്ച നിലയിൽ കണ്ടെത്തി. കുമളി പളിയക്കുടി ലബ്ബക്കണ്ടം സ്വദേശി കുമാറിനെയാണ് ജയിലിലെ ശുചിമുറിയിൽ തൂങ്ങിമരിച്ചത്.
പോക്സോ കേസിൽ കട്ടപ്പന സെഷൻസ് കോടതി റിമാൻഡ് ചെയ്ത പ്രതിയാണ് കുമാർ. ഇയാളുടെ കേസിന്റെ വിസ്താരം അവസാന ഘട്ടത്തിലാണ്. കേസിൽ വിധി വരാനിരിക്കെയാണ് കുമാർ തൂങ്ങി മരിച്ചത്. 2024 ഡിസംബറിലാണ് ഇയാളെ കുമളി പൊലീസ് കസ്റ്റഡിയിലെടുത്തത്.
കഴിഞ്ഞ കുറേ ദിവസങ്ങളായി കുമാറിന്റെ പെരുമാറ്റത്തിൽ അസ്വാഭാവികത ഉണ്ടായിരുന്നുവെന്ന് ജയിൽ ജീവനക്കാർ പറയുന്നു. വസ്ത്രം കഴുകാൻ ഡ്യൂട്ടി ഓഫീസറോട് അനുവാദം വാങ്ങി ശുചി മുറിയിലേക്ക് പോയ കുമാർ തിരിച്ചുവരാത്തതിനെ തുടർന്ന് നടത്തിയ അന്വേഷണത്തിലാണ് ശുചിമുറിയിൽ തൂങ്ങി നിൽക്കുന്നതായി കാണപ്പെടുന്നത്.ജയിൽ ജീവനക്കാർ പീരുമേട് താലൂക്ക് ആശുപത്രിയിൽ എത്തിച്ചുവെങ്കിലും മരണം സംഭവിച്ചിരുന്നു,