ന്യൂഡൽഹി: നിയമസഭാ തിരഞ്ഞെടുപ്പിൽ എൽ.ഡി.എഫിന്റെ അമരക്കാരനായി പിണറായി വിജയൻ തന്നെ തുടരും (Pinarayi Vijayan LDF Leader). തിരഞ്ഞെടുപ്പിനെ നേരിടുന്നത് മുഖ്യമന്ത്രിയുടെ നേതൃത്വത്തിലായിരിക്കുമെന്ന് പാർട്ടി ജനറൽ സെക്രട്ടറി എം.എ. ബേബി വ്യക്തമാക്കി. പിണറായി വിജയൻ വീണ്ടും മത്സരിക്കുന്ന കാര്യത്തിൽ പോളിറ്റ്ബ്യൂറോയിൽ ധാരണയായിട്ടുണ്ട്.
സർക്കാരിന്റെ ഭരണനേട്ടങ്ങൾ മുൻനിർത്തി പിണറായി വിജയന്റെ നേതൃത്വത്തിൽ തന്നെ എൽ.ഡി.എഫ് ജനവിധി തേടും. പിണറായി വിജയൻ തന്നെയാണ് നയിക്കുന്നതെങ്കിലും അദ്ദേഹത്തെ ‘മുഖ്യമന്ത്രി സ്ഥാനാർത്ഥി’യായി ഔദ്യോഗികമായി പ്രഖ്യാപിക്കാൻ പാർട്ടി തയ്യാറായില്ല. വിജയിച്ചതിന് ശേഷം എം.എൽ.എമാരും പാർട്ടിയും ചേർന്ന് മുഖ്യമന്ത്രിയെ നിശ്ചയിക്കുന്നതാണ് സി.പി.എമ്മിന്റെ രീതിയെന്ന് ബേബി പറഞ്ഞു.
യുവാക്കൾക്കും മുതിർന്നവർക്കും ഒരുപോലെ പ്രാധാന്യം നൽകുന്ന പട്ടിക മാർച്ച് ആദ്യവാരത്തോടെ പുറത്തിറങ്ങും. പിണറായിക്കൊപ്പം മറ്റാരെല്ലാം മത്സരിക്കണം എന്നതിൽ അഞ്ച് ദിവസത്തിനുള്ളിൽ ധാരണയാകും.
തിരഞ്ഞെടുപ്പ് തന്ത്രങ്ങൾ ആവിഷ്കരിക്കാൻ വിശദമായ ചർച്ചകൾ വരും ദിവസങ്ങളിലും തുടരുമെന്നും എം.എ. ബേബി വാർത്താ സമ്മേളനത്തിൽ അറിയിച്ചു. ഭരണത്തുടർച്ച ലക്ഷ്യമിടുന്ന എൽ.ഡി.എഫിന് പിണറായി വിജയന്റെ നേതൃത്വം നൽകുന്ന ആത്മവിശ്വാസം വലുതാണ്.
Story Summary: CPM General Secretary M.A. Baby announced that CM Pinarayi Vijayan will lead the LDF in the upcoming Kerala Assembly elections. While the PB approved Pinarayi’s candidacy, the party maintained its tradition of not officially naming a CM candidate before the polls. The final candidate list, featuring a mix of youth and veterans, is expected by the first week of March.
