കോട്ടയം: കോട്ടയത്ത് മയക്കുമരുന്നുമായി ഫാർമസിസ്റ്റ് പിടിയിൽ. നട്ടാശ്ശേരി സ്വദേശി മിനു മാത്യു ആണ് എക്സെെസിന്റെ പിടിയിലായത്. വിദ്യാർഥികൾക്കും യുവാക്കൾക്കും വിൽപ്പനയ്ക്കായി സൂക്ഷിച്ച 213 ഗ്രാം നെെട്രോസെെപാം ഗുളികകൾ ഇയാളിൽ നിന്നും കണ്ടെടുത്തു.
പ്രതി ഏറ്റുമാനൂരും കോട്ടയത്തും ഫാർമസിസ്റ്റായി ജോലിനോക്കിയിട്ടുള്ള പ്രതി ജോലി ഉപേക്ഷിച്ച് മയക്കുമരുന്ന് വിൽപ്പന നടത്തിവരികയായിരുന്നു. എക്സെെസ് സ്പെഷ്യൽ സ്ക്വാഡിന് ലഭിച്ച രഹസ്യവിവരത്തെ തുടർന്ന് നടന്ന റെയ്ഡിലാണ് ഇയാൾ പിടിയിലായത്.
കോട്ടയം ടൗണിൽ ആവശ്യക്കാർക്ക് മയക്കുമരുന്ന് നൽകാൻ എത്തിയപ്പോഴാണ് പ്രതി അറസ്റ്റിലായത്. ഒരു സ്ട്രിപ്പിന് ആയിരം രൂപ നിരക്കിലാണ് വിൽപ്പന നടത്തിയിരുന്നത്.