പാലക്കാട് : കുഴൽമന്ദം സ്വദേശിയായ യുവാവിൻ്റെ ആത്മഹത്യയിൽ ദുരൂഹത ആരോപിച്ച് കുടുംബം രംഗത്തെത്തി. മനോജ് കുമാർ എന്ന 40കാരനാണ് ജീവനൊടുക്കിയത്. ഇയാളുടെ ഭാര്യയുടെയും ആൺസുഹൃത്തിൻ്റെയും പേര് ആത്മഹത്യാ കുറിപ്പിൽ ഉണ്ടായിരുന്നുവെന്നാണ് ഇവർ പറയുന്നത്. (Palakkad man's suicide case)
ഇയാളുടെ ഭാര്യ ജോലി ചെയ്യുന്നത് കുഴൽമന്ദം മഹാത്മാഗാന്ധി സർവീസ് സഹകരണ സംഘത്തിലാണ്. ഇവിടുത്തെ പ്രസിഡൻ്റ് വിജീഷ് സഹദേവനും ചിത്രയും തമ്മിൽ സൗഹൃദത്തിൽ ആയിരുന്നു.
ഇവർ മനോജ് കുമാറിനെ പണം ചോദിച്ച് നിരന്തരം ശല്യപ്പെടുത്തിയിരുന്നുവെന്നാണ് കുടുംബത്തിൻ്റെ ആരോപണം. വിഷം കഴിച്ച മനോജ് കുമാർ ഇന്നലെയാണ് മരിച്ചത്.