പാലക്കാട്: പാലക്കാട് നിയമസഭാ ഉപതിരഞ്ഞെടുപ്പിനുള്ള അന്തിമ വോട്ടർപട്ടിക പ്രസിദ്ധപ്പെടുത്തി. 1,94,706 വോട്ടർമാരാണ് ആകെ പട്ടികയിൽ ഉൾപ്പെട്ടിട്ടുള്ളത്. ഇതിൽ 1,00,290 പേർ സ്ത്രീകളാണ്. 94,412 പേർ പുരുഷന്മാരുമാണ്. 780 പേർ ഭിന്നശേഷിക്കാരും നാലുപേർ ട്രാൻസ്‌ജെൻഡർ വിഭാഗത്തിൽപ്പെട്ടവരുമാണ്.
2021 ൽ മണ്ഡലത്തിലുണ്ടായിരുന്നത് 1,88,534 വോട്ടർമാരാണ് . 2021 നെ അപേക്ഷിച്ച് ഇത്തവണ 6,172 വോട്ടർമാരാണ് കൂടുതൽ. 2021 ലെ നിയമസഭാ തിരഞ്ഞെടുപ്പിൽ യു ഡി എഫ് സ്ഥാനാർത്ഥി ഷാഫി പറമ്പിൽ 3,859 വോട്ടിന്റെ ഭൂരിപക്ഷത്തിലാണ് ജയിച്ചത്. 54,079 വോട്ടുകളാണ് ഷാഫി പറമ്പിൽ ആകെ നേടിയത്. രണ്ടാംസ്ഥാനത്തെത്തിയ എൻ ഡി എ സ്ഥാനാർത്ഥി ഇ ശ്രീധരൻ 50,220 വോട്ടുകളും എൽ ഡി എഫ് സ്ഥാനാർത്ഥി സി പി പ്രമോദ് 36,624 വോട്ടുകളും നേടിയിരുന്നു.