തിരുവനന്തപുരം : മതപരിവർത്തനവും മനുഷ്യക്കടത്തുമാരോപിച്ച് ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തിൽ പ്രതികരിച്ച് മന്ത്രി പി എ മുഹമ്മദ് റിയാസ്. സംഭവത്തിൽ പ്രതിഷേധം രേഖപ്പെടുത്തുന്നുവെന്നും, ഇത് ഞെട്ടിക്കുന്നതാണെന്നും അദ്ദേഹം വ്യക്തമാക്കി. (PA Mohammed Riyas on Kerala Nuns arrest)
ഇതൊരു ഒറ്റപ്പെട്ട സംഭവമല്ലെന്നും, മത നിരപേക്ഷതയ്ക്ക് പോറൽ ഏൽക്കുന്ന പരിപാടി ബി ജെ പി തുടരുകയാണെന്നും മന്ത്രി കൂട്ടിച്ചേർത്തു.
മോദി ഗുജറാത്തിൽ മുഖ്യമന്ത്രി ആയിരുന്നപ്പോൾ ചെയ്തത് എന്തെന്ന് എല്ലാവർക്കും അറിയാമെന്നും, കന്യാസ്ത്രീകളുടെ മോചനത്തിനായി നാമെല്ലാവരും ഒരുമിക്കണമെന്നും അദ്ദേഹം ആഹ്വാനം ചെയ്തു. സമൂഹ മാധ്യമത്തിലൂടെയാണ് മന്ത്രി പി എ മുഹമ്മദ് റിയാസിൻ്റെ പ്രതികരണം.