പാലക്കാട് : ഡോ. പി സരിൻ മുസ്ലീം ലീഗിനെതിരെ രൂക്ഷവിമർശനവുമായി രംഗത്തെത്തി. വർക്ക് കൊടുക്കുന്ന ഓരോ വോട്ടും ആർ എസ് എസിന് വോട്ട് നല്കുന്നതിന് തുല്യമാണ് എന്നാണ് അദ്ദേഹം പറഞ്ഞത്. എസ് ഡി പി ഐ, ജമാഅത്തെ ഇസ്ലാമി എന്നിവയെ കൂട്ടുപിടിച്ചാണ് ലീഗ് മുന്നോട്ട് പോകുന്നതെന്നും സരിൻ കൂട്ടിച്ചേർത്തു. (P Sarin against Muslim League )
മുസ്‌ലിം ലീഗ് സമം മുസ്‌ലിം എന്നാണ് പ്രചരിപ്പിക്കുന്നത് എന്നും, ബിജെപി സമം ഹിന്ദു എന്ന് ബി ജെ പിക്കാരും പ്രചരിപ്പിക്കുന്നു എന്നും അദ്ദേഹം വിമർശിച്ചു. ലീഗ് ബി ജെ പിക്കാർക്ക് വളരാനുള്ള സാഹചര്യം ഉണ്ടാക്കിക്കൊടുക്കുകയാണെന്നും സരിൻ ആരോപിച്ചു.
അദ്ദേഹത്തിൻ്റെ പ്രതികരണം യുഡിഎഫ് ഭരിക്കുന്ന തിരുവേഗപ്പുറ പഞ്ചായത്ത് ഭരണ സമിതിക്ക് എതിരെ സിപിഎം സംഘടിപ്പിച്ച പ്രതിഷേധ പരിപാടിക്കിടെയാണ്.