കൊച്ചി: സ്റ്റോക്ക് എക്സ്ചേഞ്ച് ഓഫ് ഇന്ത്യ (എന്.എസ്.ഇ.) 2025കലണ്ടര് വര്ഷത്തെ വാര്ഷിക ഹൈലൈറ്റുകള് പുറത്തിറക്കി. (Annual highlights)
നിഫ്റ്റി 50 സൂചിക 23,645ല് (ഡിസംബര് 31, 2024) നിന്ന് 2025 കലണ്ടര് വര്ഷത്തില് 9.8% നേട്ടം രേഖപ്പെടുത്തി 25,966 ആയി ഉയര്ന്നു.എന്.എസ്.ഇയില് ലിസ്റ്റ് ചെയ്ത കമ്പനികളുടെ വിപണി മൂലധനം 439 ലക്ഷം കോടിയില് നിന്ന് 469 ലക്ഷം കോടിയായി വര്ദ്ധിച്ചു, ഇത് 6.8% വളര്ച്ചയെ പ്രതിഫലിപ്പിക്കുന്നു. വിപണി മൂലധന-ജി.ഡി.പി. അനുപാതം 136% ആയി, വര്ഷാവര്ഷമുള്ള സ്ഥിരത നിലനിര്ത്തി.
ഇക്വിറ്റി, ഡെറ്റ്, ബിസിനസ് ട്രസ്റ്റുകള് എന്നിവവഴിയുള്ള മൊത്തം ഫണ്ട് സമാഹരണം 9.17 ലക്ഷം കോടിയായി, ഇത് മുന്വര്ഷത്തെക്കാള് 7% കൂടുതലാണ്.മൊത്തം ഇക്വിറ്റി സമാഹരണം 4.12 ലക്ഷം കോടിയായപ്പോള് ഡെറ്റ് സമാഹരണം 14.72 ലക്ഷം കോടിയായി, 10% വളര്ച്ച. ഈ വര്ഷം 101 മെയിന്ബോര്ഡ് ഐ.പി.ഒ.കള് 1.71 ലക്ഷം കോടി സമാഹരിച്ചപ്പോള് 112 എസ്.എം.ഇ. ഐ.പി.ഒ.കള് 5,589 കോടി സമാഹരിച്ചു.
2025ല് മെയിന്ബോര്ഡ് ഐ.പി.ഒ. പ്രവര്ത്തനത്തില് മഹാരാഷ്ട്ര, ഡല്ഹി-എന്.സി.ആര്., കര്ണാടക എന്നിവ മുന്നിര സംസ്ഥാനങ്ങളായി ഉയര്ന്നു.ആഗോള കരാറുകളുടെ വ്യാപാരത്തിന്റെ 53.2% വഹിക്കുന്ന ഇക്വിറ്റി ഡെറിവേറ്റീവ്സ് ട്രേഡിംഗില് എന്.എസ്.ഇ. ആഗോളതലത്തില് ഒന്നാം സ്ഥാനത്തെത്തി. 16.2% ആഗോള വിഹിതവുമായി എന്.എസ്.ഇ. ആഗോളതലത്തില് പുതിയ ലിസ്റ്റിംഗുകളില് രണ്ടാം സ്ഥാനത്താണ്.
ഒ.ടി.സി., ആര്.എഫ്.ക്യു. വിഭാഗങ്ങളിലെ കോര്പ്പറേറ്റ് ബോണ്ട് വ്യാപാരം, ആര്.എഫ്.ക്യു. വിറ്റുവരവ് വാര്ഷികാടിസ്ഥാനത്തില് 52.6% വര്ദ്ധിച്ച് ഗണ്യമായ വളര്ച്ച രേഖപ്പെടുത്തി.2025 കലണ്ടര് വര്ഷത്തില് 1.5 കോടി പുതിയ നിക്ഷേപകരെ ചേര്ത്തുകൊണ്ട്. നിക്ഷേപകര് 12.4 കോടിയിലെത്തി.
ഉത്തര്പ്രദേശ്, മഹാരാഷ്ട്ര, ഗുജറാത്ത്, തമിഴ്നാട് എന്നിവിടങ്ങളില് നിന്നുള്ള ശക്തമായ പങ്കാളിത്തത്തിന്റെ ഫലമായി നിക്ഷേപകരുടെ അടിത്തറ വാര്ഷികാടിസ്ഥാനത്തില് 13.9% വര്ദ്ധിച്ചു.