കോൺഗ്രസ് ബന്ധം ഉപേക്ഷിച്ചു: NS നുസൂർ CPMൽ ചേർന്നു, സ്വീകരിച്ച് MV ഗോവിന്ദൻ | NS Nusoor

തിരുവനന്തപുരം: യൂത്ത് കോൺഗ്രസ് മുൻ സംസ്ഥാന വൈസ് പ്രസിഡന്റ് എൻ.എസ്. നുസൂർ സി‌പി‌എമ്മിൽ ചേർന്നു. ചടങ്ങിൽ സി‌പി‌ഐ‌എം സംസ്ഥാന സെക്രട്ടറി എം.വി. ഗോവിന്ദൻ അദ്ദേഹത്തിന് പാർട്ടി അംഗത്വം നൽകി സ്വീകരിച്ചു. കോൺഗ്രസിന് അതിന്റെ അസ്തിത്വവും മതേതര മൂല്യങ്ങളും നഷ്ടപ്പെട്ടതിനാലാണ് പാർട്ടി വിടുന്നതെന്ന് നുസൂർ വ്യക്തമാക്കി.( NS Nusoor leaves Congress and joins CPM, MV Govindan welcomes him)

ഒരു ആശയത്തെ മുൻനിർത്തി പ്രവർത്തിക്കുന്ന പ്രസ്ഥാനത്തിന് മതേതര മൂല്യങ്ങൾ കൈമോശം വന്നുവെന്ന് ബോധ്യപ്പെട്ട സാഹചര്യത്തിലാണ് കോൺഗ്രസുമായുള്ള എല്ലാ ബന്ധവും ഉപേക്ഷിക്കുന്നതെന്ന് നുസൂർ പറഞ്ഞു.

വാക്ക് കൊണ്ടും പ്രവൃത്തി കൊണ്ടും മനസ്സ് കൊണ്ടും കോൺഗ്രസിൽ നിന്ന് അകന്നതായും, തിരഞ്ഞെടുപ്പ് നടന്ന മാസത്തിൽ തന്നെ പാർട്ടിയുമായുള്ള ബന്ധം അവസാനിപ്പിച്ചിരുന്നതായും അദ്ദേഹം കൂട്ടിച്ചേർത്തു. കോൺഗ്രസ് നേതൃത്വത്തിനെതിരെ ഗുരുതരമായ ആരോപണങ്ങൾ ഉന്നയിച്ച ശേഷമാണ് നുസൂർ പാർട്ടി വിട്ടത്.