പത്തനംതിട്ട: ചാണ്ടി ഉമ്മൻ എംഎൽഎ ശബരിമല ദർശനം നടത്തി. രണ്ടാംതവണയാണ് ശബരിമല ദർശനത്തിന് ചാണ്ടി ഉമ്മൻ എത്തുന്നത്. വയനാട് ഡിസിസി ജനറൽ സെക്രട്ടറി രാജേഷ് കുമാർ, ആലപ്പുഴ യൂത്ത് കോൺഗ്രസ് ജില്ലാ സെക്രട്ടറി ഗംഗാശങ്കർ എന്നിവർക്ക് ഒപ്പം ശനിയാഴ്ച രാത്രി എട്ടിനാണ് സന്നിധാനത്ത് എത്തിയത്. 2022ലും അദ്ദേഹം ദർശനം നടത്തിയിരുന്നു. (Chandy Oommen)
ഇത്തവണ വൃശ്ചികം ഒന്നിനുതന്നെ മാലയിട്ടു വ്രതം തുടങ്ങിയിരുന്നു.പതിനെട്ടാംപടി കയറി മറ്റുള്ള തീർഥാടകർക്ക് ഒപ്പം ക്യു നിന്നു സോപാനത്ത് എത്തിയപ്പോഴാണ് അവിടെനിന്ന പോലീസുകാർ ചാണ്ടി ഉമ്മനെ തിരിച്ചറിഞ്ഞത്. തനിക്ക് പ്രത്യേക പരിഗണന ഒന്നും വേണ്ടന്നു പറഞ്ഞ് തൊഴുത് നീങ്ങി. മാളികപ്പുറത്ത് എത്തിയപ്പോൾ മറ്റു തീർഥാടകർക്ക് ഒപ്പം നിന്ന് സെൽഫിയും എടുത്താണ് പുതുപ്പള്ളി എംഎൽഎ മടങ്ങിയത്.