മലപ്പുറത്ത് യുവാവ് മരിച്ചത് നിപ കാരണമെന്ന് സ്ഥിരീകരിച്ച പശ്ചാത്തലത്തില് അതിര്ത്തികളില് കര്ശന പരിശോധന നടത്താന് തമിഴ്നാട് സര്ക്കാര്. ആരോഗ്യപ്രവര്ത്തകര് 24 മണിക്കൂറും അതിര്ത്തികളില് പരിശോധന നടത്തും. നീലഗിരി, കോയമ്പത്തൂര്, തിരുപ്പൂര് , തേനി, തെങ്കാശി, കന്യാകുമാരി അതിര്ത്തികളില് പരിശോധന നടത്താനാണ് നിര്ദേശം.
അതേസമയം മലപ്പുറത്ത് നിപ രോഗലക്ഷണം പ്രകടമായ 13 പേരുടെ സ്രവവപരിശോധനാഫലം നെഗറ്റീവായി. നിപ ബാധ കാരണം മരിച്ച 23 കാരന്റെ സമ്പര്ക്ക പട്ടികയില് ഉള്ള 13 പേര്ക്കായിരുന്നു രോഗലക്ഷണങ്ങള് കാണിച്ചത്. ഇതില് 10 പേരെ മഞ്ചേരി മെഡിക്കല് കോളേജിലെ ഐസൊലേഷന് വാര്ഡുകളില് പ്രവേശിപ്പിച്ചിരുന്നു.